Robert Burns
The Banks O' Doon

Love Poems:  First lines | Authors | Quotes | Categories
Shall I compare thee to a summer's day? | Come live with me and be my Love | O my Luve's like a red, red rose
She walks in beauty, like the night | Gather ye rosebuds while ye may | How do I love thee ? Let me count the ways

Ye flowery banks o' bonie Doon,
     How can ye blume sae fair,
How can ye chant, ye little birds,
     And I sae fu' o' care!

Thou'll break my heart, thou bonie bird
     That sings beside thy mate,
For sae I sat, and sae I sang,
     And wist na o' my fate.

Aft hae I rov'd by bonie Doon,
     To see the wood - bine twine,
And ilka bird sang o' its love,
     And sae did I o' mine.

Wi' lightsome heart I pu'd a rose,
     Frae aff its thorny tree,
And my fause luver saw the rose,
     But left the thorn wi' me,

Wi' lightsome heart I pu'd a rose,
     Upon a morn in June,
And sae I flourish'd on the morn,
     And sae was pu'd or noon!