It
was upon a Lammas
night,
When
the corn rigs are bonie,
Beneath the moon's unclouded light,
I held awa to Annie,
The time flew by, wi' tentless heed,
Till 'tween the late and early,
Wi' sma' persuasion she agreed,
To see me thro' the barley.
The
sky was blue, the wind was still,
The moon was shining clearly,
I set her down, wi' right good will,
Amang the rigs o' barley
I ken't her heart was a' my ain,
I lov'd her most sincerely,
I kiss'd her owre and owre again,
Amang the rigs o' barley
I
I loc'd her in my fond embrace,
Her heart was beating rarely,
My blessings on that happy place,
Amang the rigs o' barley!
But by that moon and stars so bright,
That shone that hour so clearly!
She ay shall bless that happy night,
Amang the rigs o' barley.
I
hae been blythe wi' Comrades dear,
I hae been merry drinking,
I hae been joufu' gath'rin gear,
I hae been happy thinking
But a' the pleasures e'er I saw,
Tho' three times doubl'd fairly,
That happy night was worth the a'
Amang the rigs o' barley.
CHORUS
Corn
rigs an' barley rigs,
An' corn rigs are bonie,
I'll ne'er forget that happy night,
Amang the rigs wi' Annie.
